اللي ناسي الوعد من روائع الراقي احمد طلبه

إللي ناسي الوعد
================
بفكر في اللي ناسي الوعد وفايتني

وبيجيلي بيتأسف يقولي الوقت يسرقني

صبرت وقولت أستحمل وماخسرهوش
لكن فيا إحساسي مصدقهوش
ما انا مش حاسه ولا شايفه
إنه أكيد بيعشقني
٠٠٠٠٠٠
بيبقي معايا وبشوفه. بعيد عني
ولا حتي بعيش إزاي
لا خد باله ولا سائلني

لو فكرت نتفرق
دي عشره عمر تقسمني
💔💔
بحاول إني أتغير
واخرج من حياته كمان
دا عمره عشاني مااتغير
ولا حس إن ليا كيان

ماانا واحده ومقبلش
نقطه ضعف تهزمني

صبرت وقولت أستحمل
وماخسرهوش
ولكن فيا إحساسي
مصدقهوش
ما انا مش حسه ولا شايفه
إنه بجد بيعشقني
٠٠٠٠
=================
بخاف مـ الدنيا ومن بكره
ودا بسببه
عشان حنيه منه مابشوفهاش

مايعرفش مشاعر ست لو حست بإهملها
تبيع الحب لو ببلاش
بخبي في قلبي إحساسي
وحتي دموعي مايشوفهاش

وناري في قلبي بتزيد
ومين بس اللي هيفدني

مابين إهماله ليا أكيد
وحتي قصاده يكسفني

صبرت وقولت أستحمل
وماخسرهوش
ولكن فيا إحساسي
مصدقهوش
ما انا مش حسه ولا شايفه
إنه بجد بيعشقني
==================
كلمات
أحمد طلبه