اسمعونا بقلم الراقية عزة علي قاسم

((( إسمعوناااا )))

خلولنا حروف......
بدنا نكتب!!
خلولنا دموع .....
إحنا كمان بدنا نندب!!
خلولنا شويت كرامي !!
شو نسيتوا إنها رمز البدايات!!
ولا حصونكم ....
صارت أهم
من دم إم ولادها ضاعوا
وماضل غير الخيبات!!
خلولنا شويت حكي!!
بدنا نوشوش النجمات!!
مسكين ......القمر
من كتر العتم مات......

إسمعوناااااااااااا
بس مره ......
دخلتونا ........ بمتاهات
عجزنا ........
بعد ماكنا قصيدة ونايات!!
والخوف صار يخيم
على الطرقات
والنهدات .....
نامت .....وماحدا عاد سمع
صوت صدى حكايات!!!
وحكايات .....الف ليلة وليلة
بعدها بتشهد !!
وإحنا صرنا
للهوا والريح حسرات!!
الكل بينتظر.... السلام !!
والسلام .....محرم على
أصحاب النضالات!!

مين بدو يسمع شعب
بحسرتو مات ....
ضيع مستقبل الشهادات
ومين خذلنا .......
ومين ذبحنا ......
والظلم..... أكل وشرب منا
وهيهات!!!

ليش نكرتوا... وأستنكرتوا
مادمتو ضيعتوا الحق
وحرمتوا الأمانات!!
ليش.... نسيتوا
انكم قدوتنا
وسلبتو حقنا
وصار من المحرمات!!!

إتركوا الطاولات
وتنازلوا ....عن المراوغات
وإتذكروا.... بس مره
أصحاب الحق
ومش من الحق
تبيعو.... وتشتروا
بدم قدسو الله
وتمحوا معالم ....المقدسات!!!!
من العار... تكونو قيادات
دنستوا ....تاريخ
وقبحتوا.... أسمى التسميات
وشاركتوا ....ببحر الدم
ونسيتوا ....الي مابحكم
ب العدل ....لإخر العمر
حلت عليه اللعنات!!!!
✍️....... #عزه_علي_قاسم